ਅਸਾਮ ਦੀ ਡਿਬਰੂਗੜ੍ਹ ਜ਼ੇਲ ਵਿਚ ਨਜਰਬੰਦ ਵਾਰਿਸ ਪੰਜਾਬ ਦੇ ਸੰਸਥਾ ਦੇ ਮੁੱਖ ਸੇਵਾਦਾਰ ਭਾਈ ਅੰਮ੍ਰਿਤਪਾਲ ਸਿੰਘ ਨੇ ਲੋਕ ਸਭਾ ਹਲਕਾ ਖਡੂਰ ਸਾਹਿਬ ਤੋ ਚੋਣ ਲੜਣ ਬਾਰੇ ਸ਼ਪਸ਼ਟ ਕੀਤਾ ਹੈ ਕਿ ਉਹ ਲੋਕ ਰਾਏ ਮੁਤਾਬਿਕ ਹੀ ਫੈਸਲਾ ਲੈਣਗੇ। ਅੱਜ ਭਾਈ ਅੰਮ੍ਰਿਤਪਾਲ ਸਿੰਘ ਤੇ ਸਾਥੀਆਂ ਦੀ ਮੁਲਾਕਾਤ ਕਰਨ ਲਈ ਡਿਬਰੂਗੜ੍ਹ ਜ਼ੇਲ ਪਹੰਚੇ ਭਾਈ ਅੰਮ੍ਰਿਤਪਾਲ ਸਿੰਘ ਦੇ ਪਿਤਾ ਸ੍ਰ ਤਰਸੇਮ ਸਿੰਘ, ਚਾਚਾ ਸੁਖਚੈਨ ਸਿੰਘ ਤੇ ਪਪਲਪ੍ਰੀਤ ਸਿੰਘ ਦੇ ਮਾਮਾ ਸ੍ਰ ਅਮਰਜੀਤ ਸਿੰਘ ਨੇ ਦਸਿਆ ਕਿ ਅੱਜ ਦੀ ਮੁਲਾਕਾਤ ਸਮੇ ਜ਼ੇਲ ਪ੍ਰਸ਼ਾਸਨ ਦਾ ਰਵੀਇਆ ਬਹੁਤ ਤੰਗ ਕਰਨ ਵਾਲਾ ਸੀ। ਮੁਲਾਕਾਤ ਲਈ ਸਾਨੂੰ ਬਹੁਤ ਲੰਮਾਂ ਸਮਾ ਉਡੀਕ ਕਰਨੀ ਪਈ ਤੇ ਮੁਲਕਾਤ ਸਮੇ ਵੀ ਸਾਨੂੰ ਪ੍ਰੇਸ਼ਾਨ ਕੀਤਾ ਗਿਆ। ਭਾਈ ਅੰਮ੍ਰਿਤਪਾਲ ਸਿੰਘ ਦੇ ਚਾਚਾ ਭਾਈ ਸੁਖਚੈਨ ਸਿੰਘ ਨੇ ਦਸਿਆ ਕਿ ਖਡੂਰ ਸਾਹਿਬ ਲੋਕ ਸਭਾ ਹਲਕੇ ਤੋ ਚੋਣ ਲੜਣ ਬਾਰੇ ਗਲ ਕਰਦਿਆਂ ਭਾਈ ਅੰਮ੍ਰਿਤਪਾਲ ਸਿੰਘ ਨੇ ਸ਼ਪਸ਼ਟ ਕੀਤਾ ਕਿ ਉਹ ਆਪਣੇ ਪਰਵਾਰ, ਪੰਥਕ ਜਥੇਬੰਦੀਆਂ ਤੇ ਸੰਗਤ ਦੀ ਰਾਏ ਨਾਲ ਹੀ ਕੋਈ ਫੈਸਲਾ ਲੈਣਗੇ।ਉਨਾਂ ਕਿਹਾ ਕਿ ਭਾਈ ਅੰਮ੍ਰਿਤਪਾਲ ਸਿੰਘ ਨੇ ਦਸਿਆ ਹੈ ਕਿ ਉਨਾਂ ਨੂੰ ਐਡਵੋਕੇਟ ਰਾਜਦੇਵ ਸਿੰਘ ਬਰਨਾਲਾ ਨੇ ਚੋਣ ਲੜਣ ਲਈ ਕਿਹਾ ਜਰੂਰ ਸੀ ਤੇ ਉਨਾਂ ਇਹ ਹੀ ਜਵਾਬ ਦਿੱਤਾ ਸੀ ਕਿ ਉਹ ਪਰਵਾਰ, ਸੰਸਥਾਵਾਂ ਤੇ ਸੰਗਤਾਂ ਦੀ ਰਾਏ ਲੈ ਕੇ ਫੈਸਲਾ ਕਰਨਗੇ ਪਰ ਐਡਵੋਕੇਟ ਰਾਜਦੇਵ ਸਿੰਘ ਨੂੰ ਸੁਨਣ ਵਿਚ ਗਲਤੀ ਲਗ ਗਈ ਹੈ। ਉਨਾ ਦਸਿਆ ਕਿ ਸਾਰੇ ਸਿੰਘ ਤੰਦਰੁ॥ਸਤ ਹਨ ਤੇ ਚੜਦੀ ਕਲਾ ਵਿਚ ਹਨ। ਇਸ ਮੌਕੇ ਤੇ ਭਾਈ ਅੰਮ੍ਰਿਤਪਾਲ ਸਿੰਘ ਦੇ ਪਿਤਾ ਸ੍ਰ ਤਰਸੇਮ ਸਿੰਘ ਨੇ ਕਿਹਾ ਕਿ ਉਹ ਕਲ ਇਕ ਵਾਰ ਡਿਬਰੂਗੜ ਦੇ ਡਿਪਟੀ ਕਮਿਸ਼ਨਰ ਨਾਲ ਮੁਲਾਕਾਤ ਕਰਕੇ ਇਕ ਵਾਰ ਫਿਰ ਤੋ ਬੰਦੀ ਸਿੰਘਾਂ ਨਾਲ ਮੁਲਕਾਤ ਕਰਨ ਦਾ ਸਮਾਂ ਦੇਣ ਦੀ ਮੰਗ ਕਰਨਗੇ।